Cameroun: Mpinzani Anicet Ekane afariki kizuizini akiwa na matatizo ya kupumua

Mwanasiasa wa upinzani nchini Cameroun, Anicet Ekane, amefariki dunia akiwa kizuizini mjini Yaoundé akiwa na umri wa miaka 74. Ekane, aliyekamatwa kwa tuhuma za kumuunga mkono mgombea wa upinzani Issa Tchiroma, alikuwa akisumbuliwa na matatizo makubwa ya kupumua. Familia na mawakili wake wanadai aliwahi kunyimwa kifaa cha oksijeni alichokihitaji, huku mazingira ya kifo chake yakiendelea kutatanisha. Ekane alikuwa mmoja wa wanaharakati mashuhuri wa siasa za upinzani na mrithi wa harakati za kihistoria za UPC.