Shirikisho la Soka Barani Afrika (CAF) limesema litachukua hatua stahiki dhidi ya wale watakaopatikana na hatia kufuatia vurugu zilizotokea katika fainali ya Kombe la Mataifa ya Afrika (AFCON) 2025 kati ya Senegal na Morocco mjini Rabat.
Katika mchezo huo, wachezaji wengi wa Senegal waliondoka uwanjani kwa muda kupinga penalti iliyotolewa na refa Jean-Jacques Ndala dakika za nyongeza, hali iliyosababisha mvutano mkubwa. Mashabiki wa Senegal pia waligongana na maafisa wa usalama wa Morocco. Baada ya kurejea, kipa Édouard Mendy aliokoa penalti ya Brahim Diaz, na hatimaye Senegal ikashinda 1-0 kupitia bao la Pape Gueye katika muda wa nyongeza.
CAF imelaani vikali tabia isiyokubalika kutoka kwa baadhi ya wachezaji na maofisa, ikisisitiza kuwa inakagua video zote na itawasilisha suala hilo kwa vyombo husika ili hatua zichukuliwe.
CHANZO: TRT Afrika
