Rais wa Uturuki, Recep Tayyip Erdoğan, ametuma salamu za pole kwa wananchi wa Azerbaijan katika kumbukumbu ya miaka 34 tangu mauaji ya Khojaly yaliyotokea mwaka 1992.
Kupitia ujumbe aliouchapisha kwenye mtandao wa kijamii wa NSosyal, Erdoğan alisema anawakumbuka kwa huzuni na heshima watu wa Azerbaijan waliopoteza maisha yao wakati wa tukio hilo, huku akitoa rambirambi kwa taifa hilo rafiki.
Mauaji ya Khojaly yalitokea tarehe 26 Februari 1992 wakati wa Vita ya Karabakh, baada ya mji huo kushambuliwa na kutekwa. Kwa mujibu wa takwimu za Azerbaijan, zaidi ya raia 600 waliuawa wakiwemo wanawake, watoto na wazee, huku mamia wengine wakijeruhiwa na wengine kutoweka hadi leo.
Uturuki imekuwa miongoni mwa nchi zinazotambua tukio hilo kama mauaji ya halaiki na imeendelea kusisitiza umuhimu wa haki kwa waathiriwa.
CHANZO: TRT Afrika
