Iran imetangaza kufunga anga yake kwa muda kwa ndege nyingi, ikiruhusu tu safari za kiraia za kimataifa ambazo zimepata idhini maalum kutoka Mamlaka ya Usafiri wa Anga. Hatua hiyo, ambayo inatarajiwa kudumu hadi Januari 15, inahusu ndege zote zinazoingia na kutoka nchini humo, huku safari nyingine zikisitishwa.
Uamuzi huu unakuja wakati maandamano ya kupinga serikali yanaendelea ndani ya Iran na shinikizo la kimataifa likiongezeka. Rais wa Marekani Donald Trump amesema amepokea taarifa kwamba utekelezaji wa hukumu za kifo kwa waandamanaji umesitishwa, lakini ameonya kuwa Washington inaweza kuchukua “hatua kali sana” endapo hali hiyo itaendelea.
Waziri wa Mambo ya Nje wa nchi za G7 pia wamelaani kile walichokiita “matumizi ya makusudi ya nguvu” dhidi ya waandamanaji, wakizitaka mamlaka za Iran kuheshimu haki za binadamu. Kwa upande wake, Tehran imezituhumu Marekani na Israel kwa kuunga mkono ghasia na ugaidi, madai ambayo yamekanushwa na mataifa ya Magharibi.
Mashirika ya haki za binadamu yameripoti maelfu ya vifo na majeruhi tangu maandamano kuanza mwishoni mwa Desemba, ingawa serikali ya Iran haijatoa takwimu rasmi.
CHANZO: TRT Afrika
