Nchini Senegal, mjadala mkubwa umeibuka kuhusu uwezekano wa rais wa zamani Macky Sall kuwania nafasi ya Katibu Mkuu wa Umoja wa Mataifa (UN).
Baadhi ya viongozi wa kisiasa na wananchi wanaunga mkono wazo hilo wakisema Sall ana uzoefu mkubwa wa uongozi na diplomasia ya kimataifa baada ya kuiongoza Senegal kwa miaka kadhaa. Wanasema uzoefu wake unaweza kuwa muhimu katika kushughulikia changamoto za kimataifa.
Hata hivyo, wengine wanapinga hatua hiyo wakisema uongozi wake nchini Senegal uliibua mijadala mikali ya kisiasa na maandamano, jambo ambalo linaweza kuathiri taswira yake katika kinyang’anyiro hicho.
Chanzo: TRT Afrika
