Rais wa Marekani Donald Trump amesema anaamini kuna uwezekano wa maendeleo katika mazungumzo kati ya Misri na Ethiopia kuhusu Bwawa Kuu la Renaissance, ambalo limekuwa chanzo cha mvutano wa muda mrefu. Akizungumza akiwa na Rais wa Misri Abdel Fattah al-Sisi, Trump alieleza kuwa bwawa hilo “limeziba kimsingi Mto Nile” na kuonya kuwa hali hiyo ni hatari kwa mtiririko wa maji ambao umekuwa ukipatikana kwa maelfu ya miaka.
Wiki iliyopita, Trump alijitolea kuwa msuluhishi kati ya Cairo na Addis Ababa, hatua iliyopokelewa vyema na al-Sisi. Bwawa hilo lilizinduliwa Septemba 2025 baada ya miaka 14 ya ujenzi, na limekuwa likipingwa na Misri na Sudan kwa hofu ya athari zake kwa mgao wa maji. Nchi hizo zinataka Ethiopia ikubali makubaliano ya kisheria kuhusu ujazaji na uendeshaji wa bwawa.
CHANZO: TRT Afrika
