Serikali ya Uganda imesema uchumi wa nchi hiyo unaendelea kufanya vizuri licha ya changamoto mbalimbali zilizotokea ndani na nje ya nchi.
Akizungumza mbele ya Kamati ya Bunge ya Hesabu za Serikali, Katibu wa Hazina Ramathan Ggoobi alisema uchumi wa Uganda umeendelea kuwa tulivu hata baada ya uchaguzi mkuu uliopita uliosababisha mfumuko wa bei.
Alisema licha ya matukio ya kimataifa kama mvutano kati ya United States na Iran pamoja na Israel, uchumi wa Uganda umeendelea kuwa imara.
Ggoobi aliongeza kuwa mauzo ya nje ya Uganda yalifikia dola bilioni 14.4 mwaka 2025, kiwango ambacho hakijawahi kufikiwa katika historia ya nchi hiyo.
CHANZO: TRT Afrika
