Mahakama ya Wilaya ya Tagansky mjini Moscow imeiagiza kampuni ya teknolojia Google kulipa faini ya dola 139,000 baada ya kushindwa kuondoa taarifa zilizopigwa marufuku nchini Russia.
Kwa mujibu wa mahakama hiyo, Google ilikiuka sheria zinazodhibiti usambazaji wa taarifa kwa kuruhusu maudhui ambayo mamlaka za Urusi zimeyapiga marufuku kuendelea kusambazwa mtandaoni.
Katika miaka ya hivi karibuni, Urusi imechukua hatua kali dhidi ya majukwaa kadhaa ya mitandao ya kijamii ya Marekani kama Facebook, Instagram, X, LinkedIn na YouTube, kwa madai ya kutofuata sheria za nchi hiyo.
CHANZO: TRT Afrika
