Polisi nchini Nigeria wamesema maafisa watatu wameuawa na wengine wawili kujeruhiwa baada ya kushambuliwa na washukiwa wa ujambazi katika jimbo la kaskazini magharibi la Katsina. Shambulio hilo lilitokea Jumanne asubuhi wakati maafisa hao walipokuwa kwenye doria katika barabara ya Guga-Bakori.
Msemaji wa polisi wa jimbo hilo, Abubakar Sadiq Aliyu, alisema maafisa hao walipambana kishujaa lakini walishindwa kuzuia mashambulizi hayo. Aliyu aliongeza kuwa polisi wawili waliojeruhiwa wanapatiwa matibabu katika hospitali ya karibu.
Mashambulio haya yanaongeza idadi ya matukio ya hivi karibuni katika eneo hilo, ikiwemo utekaji nyara unaofanywa na magenge yenye silaha yanayojificha katika misitu.
CHANZO: TRT Afrika
