Kiongozi wa upinzani nchini Uganda, Bobi Wine, amelishtumu Jeshi la Wananchi la Uganda (UPDF) kwa kuwashikilia raia kinyume cha sheria, akitaja mkanganyiko kuhusu mahali alipo Padre Deusdedit Ssekabira kama ushahidi. Alisema tukio hilo linaonyesha kuendelea kwa matumizi ya jeshi katika masuala ya kiraia na kudai kuwa wafuasi wa chama chake cha NUP hufikishwa katika kambi za kijeshi na vituo vya siri. Serikali na vyombo vya usalama vimekanusha madai hayo, huku jeshi likithibitisha kuwa padre huyo yuko chini ya ulinzi wao na atafikishwa mahakamani kwa tuhuma za kujaribu kuvuruga serikali.
CHANZO: BBC NEWS
