Rais wa Uturuki Recep Tayyip Erdogan amezungumza kwa simu na mwenzake wa Syria Ahmad Al-Charaa, akisisitiza kuwa kuondoa kabisa makundi ya kigaidi nchini Syria ni sharti la msingi kwa amani na utulivu wa kikanda. Katika mazungumzo hayo, viongozi hao walijadili uhusiano wa pande mbili na maendeleo ya hivi karibuni nchini Syria.
Erdogan aliahidi kuwa Uturuki itaendelea kuongeza msaada wake kwa Syria, hususan katika mapambano dhidi ya ugaidi, na akasisitiza kuwa Ankara inatilia mkazo kulindwa kwa mamlaka kamili, umoja, mshikamano na usalama wa Syria.
Kwa mujibu wa taarifa iliyotolewa na Mkurugenzi wa Mawasiliano wa Ikulu ya Uturuki, Burhanettin Duran, msaada wa Uturuki unalenga kuimarisha mustakabali wa Syria kwa misingi ya utulivu na usalama wa kikanda.
CHANZO: TRT Afrika
