Jeshi la Jamhuri ya Kidemokrasia ya Congo limelituhumu jeshi la Rwanda na waasi wa M23 kwa kurusha mabomu katika maeneo ya mpakani ya Kamanyola na Uvira, likisema mashambulizi hayo yamesababisha vifo vya raia na kuharibu shule, vituo vya afya na nyumba. Tuhuma hizo zimeibuka siku chache baada ya marais wa Rwanda na Congo kusaini makubaliano ya amani nchini Marekani. Rwanda imekanusha madai hayo, ikisema Congo inajaribu “kuachilia lawama” huku mapigano yakiendelea kati ya M23 na jeshi la DRC. Ripoti za ndani zinasema maelfu ya wakazi wamekimbia makazi yao, na baadhi kuvuka mpaka na kuingia Rwanda.
CHANZO: TRT Afrika
