Jeshi la Somalia kwa kushirikiana na vikosi vya Umoja wa Afrika (AUSSOM) na washirika wa kimataifa limeanzisha oparesheni mpya iitwayo “Operation Rolling Thunder” inayolenga ngome za kundi la Al Shabab kusini mwa nchi.
Kwa mujibu wa Wizara ya Ulinzi, mashambulizi hayo yanafanyika katika eneo la Lower Shabelle kwa lengo la kukata njia za kundi hilo na kuzuia mipango ya mashambulizi dhidi ya raia na vikosi vya usalama.
Serikali imesema oparesheni hiyo itaendelea hadi Al Shabab itakapodhoofishwa kabisa na kuondolewa kama tishio kwa amani na maendeleo ya Somalia.
CHANZO: TRT Afrika
