Usiku wa kuamkia Alhamisi, wakazi wa Niamey, mji mkuu wa Niger, walihisi hofu kubwa baada ya milipuko na risasi nzito kusikika karibu na Uwanja wa Ndege wa Kimataifa wa Diori Hamani. Tukio hilo lilianza muda mfupi baada ya saa sita usiku na kudumu kwa takriban saa mbili, kabla ya utulivu kurejea karibu saa nane alfajiri.
Video zilizopigwa na wakazi zilionyesha miale ya risasi ikipaa angani na milipuko mikali, huku magari kadhaa yakiteketea kwa moto. Mashuhuda walisema sirens za magari ya zimamoto zilisikika zikielekea eneo hilo.
Uwanja wa ndege huo, ulioko takriban kilomita 10 kutoka ikulu ya rais, ni makao ya jeshi la anga na kituo cha kijeshi cha pamoja cha Niger, Burkina Faso na Mali kinachopambana na makundi ya kigaidi katika Sahel. Hadi sasa, mamlaka hazijatoa maelezo rasmi kuhusu chanzo cha tukio hilo au idadi ya waathirika.
CHANZO: TRT Afrika
