Nchini Morocco, wanaume wamekuwa wakitoa shukrani kwa wanawake wanaojitolea kuandaa vyakula vya futari na sahur wakati wa mwezi mtukufu wa Ramadhani. Utamaduni huu unaonyesha kuthamini mchango wa wanawake katika familia wakati wa kipindi hicho cha ibada.
Katika baadhi ya familia, wanaume hutoa zawadi au kuandaa hafla ndogo za kifamilia ili kuwapongeza wanawake kwa juhudi zao. Wengine hutumia nafasi hiyo kutoa maneno ya shukrani hadharani au kupitia mitandao ya kijamii.
Wadadisi wa masuala ya jamii wanasema utamaduni huu unalenga kuimarisha mshikamano wa familia na kutambua kazi inayofanywa mara nyingi bila kuonekana sana.
Chanzo: Africanews
