Mvua na dhoruba zaharibu zaidi ya nyumba 150 katika jimbo la KwaZulu-Natal

Mvua kubwa na dhoruba kali zimeacha uharibifu mkubwa katika maeneo kadhaa ya jimbo la KwaZulu-Natal, Afrika Kusini, ambapo zaidi ya nyumba 150 zimeharibika na nyingine zaidi ya 50 kubomoka kabisa. Maeneo yaliyoathirika zaidi ni pamoja na Midlands na ukanda wa pwani ya kusini. Timu za usimamizi wa maafa zimepelekwa kusaidia wakazi, huku miundombinu kama barabara, vituo vya afya na biashara ikipata hasara kubwa. Hadi sasa, hakuna vifo vilivyoripotiwa, na tathmini ya uharibifu bado inaendelea.

CHANZO: TRT Afrika