Niger yashitaki Orano baada ya kubaini takataka za mionzi Arlit

Serikali ya Niger imetangaza kuishtaki kampuni ya nyuklia ya Ufaransa, Orano, baada ya kugundua mapipa 400 ya taka za mionzi katika eneo la zamani la uchimbaji wa urani mjini Arlit. Waziri wa Haki, Alio Daouda, amesema taka hizo zina viwango vya juu vya mionzi na zimekuwa tishio kwa afya ya wakazi na mazingira. Niger inaituhumu Orano kwa kupuuza maagizo ya kuondoa taka hizo, na inadai fidia kwa madhara yaliyosababishwa. Mgogoro huu unakuja baada ya Niger kusitisha makubaliano yake na Ufaransa kufuatia mapinduzi ya Julai 2023.