Mgombea mmoja tu ndiye atashindana na Rais wa Djibouti Ismail Omar Guelleh katika uchaguzi wa rais wa nchi hiyo mwezi ujao, kulingana na notisi rasmi.
Djibouti ina takriban watu milioni moja katika eneo la kimkakati karibu na Bahari Nyekundu na Ghuba ya Aden, na ni nyumbani kwa kambi muhimu za kijeshi za Marekani , Uchina, Ufaransa na mataifa mengine.
Guelleh, 78, ametawala nchi hiyo tangu 1999.
Atawania muhula wa sita Aprili 10 baada ya wabunge kwa kauli moja kufanyia marekebisho katiba mwezi Novemba ili kuondoa ukomo wa umri wa miaka 75.
Chama cha mgombea mwingine hakina viti bungeni.
Mpinzani wake pekee ni Mohamed Farah Samatar, kwa mujibu wa amri iliyochapishwa mwishoni mwa Jumatano kwenye gazeti rasmi la serikali.
Samatar ni mwanachama wa zamani wa chama tawala na mkuu wa Unified Democratic Center (CDU), chama kisicho na viti bungeni.
Guelleh alichaguliwa tena kwa zaidi ya 97% ya kura za urais mnamo 2021.
Alexis Mohamed, mshauri wa zamani wa mkuu wa nchi ambaye alijiuzulu mwezi Septemba, alikuwa ameonyesha nia ya kugombea uchaguzi. Hata hivyo, hakuwasilisha maombi yake.
