Somalia na Uturuki wameanza rasmi kutekeleza makubaliano ya ushirikiano wa ajira na sera za kijamii yaliyosainiwa mwaka 2016. Hatua hii imezinduliwa Ankara kupitia mkutano wa mawaziri wa kazi wa mataifa haya mawili, Vedat Işıkhan wa Uturuki na Salim Alio Ibro wa Somalia, pamoja na maafisa wakuu na balozi wa Somalia.
Mawaziri wametia saini protokali ya pamoja na mpango wa utekelezaji wa miaka miwili (2026–2027) unaojumuisha maeneo 15 ya kipaumbele. Miongoni mwao ni kuunda ajira mpya, mafunzo ya ufundi stadi, usalama kazini, ukaguzi wa mazingira ya kazi, na uboreshaji wa huduma za kijamii. Pia unahusisha usimamizi wa uhamiaji wa wafanyakazi na kuendeleza viwango vya kitaifa vya ajira.
Waziri Ibro amesema makubaliano haya yatasaidia kuimarisha taasisi za ajira za Somalia na kuboresha huduma kwa wafanyakazi, huku Uturuki ikitoa msaada wa kiufundi na uzoefu wake.
CHANZO: TRT Afrika
