Rais wa Marekani Donald Trump, akiwa mwenyekiti mwanzilishi wa Bodi ya Amani kwa Gaza, ametuma barua ya mwaliko kwa Rais wa Uturuki Recep Tayyip Erdogan ili kujiunga kama mwanachama mwanzilishi wa bodi hiyo.
Mkuu wa Mawasiliano wa Uturuki, Burhanettin Duran, alisema mwaliko huo ulitumwa Januari 16 na kwamba Baraza la Usalama la Umoja wa Mataifa, kupitia azimio nambari 2803, liliunga mkono Mpango Kamili wa Kumaliza Mzozo wa Gaza uliotangazwa na Trump. Bodi ya Amani na vyombo vyake vinatarajiwa kuhakikisha usalama na ujenzi mpya wa Gaza.
Awamu ya pili ya makubaliano ya kusitisha mapigano Gaza imeanza, ikiwa sehemu ya mpango wa Trump wenye vipengele 20. Trump alisema mpango huo unajumuisha kuondoa wanajeshi wa Hamas kwa msaada wa Misri, Uturuki na Qatar, na kuunda Serikali mpya ya Kimkakati ya Palestina kwa ajili ya utawala wa mpito wa Gaza.
Ikulu ya Marekani pia imetangaza kuundwa kwa Bodi ya Utendaji chini ya Bodi ya Amani, ikihusisha viongozi na wawakilishi wa kimataifa kutoka Uturuki, Misri, Qatar, Umoja wa Falme za Kiarabu, Israel, Uingereza na Umoja wa Mataifa.
CHANZO: TRT Afrika
