Shugaban Turkiyya Recep Tayyip Erdogan ya bayyana cewa Filin Jirgin Sama na Istanbul ya zama na biyu mafi hada-hada a Turai, kuma na bakwai a duniya a shekarar 2025, bayan fasinjoji sama da miliyan 84.5 sun bi ta cikinsa.
Ya ce faɗaɗa hanyoyin zirga-zirgar jiragen sama da ƙara yarjejeniyoyi da ƙasashe 175 ya sa Turkiyya ta zama ɗaya daga cikin ƙasashen da ke da mafi faɗin hanyar sufurin jiragen sama a duniya. Erdogan ya kuma nuna cewa yawan fasinjoji a ƙasar ya tashi daga miliyan 34.5 a 2002 zuwa sama da miliyan 247 a 2025, yayin da sabbin gine-gine da hanyoyin sauka a filayen jirgi, ciki har da Esenboga, ke ƙara ƙarfin ɗaukar fasinjoji ba tare da nauyi ga kasafin gwamnati ba.
