Ministan lafiya na Nijeriya ya fada a ranar Alhamis cewa hukumomi ba su da wata shaida da ke nuna cewa cutar Ebola da aka tabbatar kwanan nan ta bazu zuwa cikin al’umma, yana mai bayyana ta a matsayin mutum daya da aka samu da cutar.
Nijeriya ta bayar da rahoton bullar cutar Ebola ta farko a cikin sama da shekaru goma a ranar Talata, inda ta zama kasa ta hudu a Afirka kuma mafi yawan jama’a da har yanzu cutar ba ta yadu a cikin jamaʼa ba, wadda jami’an lafiya suka bayyana a matsayin wadda ta fi saurin yaduwa a tarihi.
Ministan Lafiya Muhammad Ali Pate ya ce “babu wata shaida da ke nuna cewa ta shiga cikin jamaʼa” kuma babu “bukatar a tayar da hankali”, yayin da jami’an lafiya suka kara himma wajen bin diddigin wadanda suka yi muʼamala da wadda ta kamu, ta bibiyar wadanda ake tunanin mai yiwa za su iya kamuwa da cutar.
“Wannan bullar cutar guda daya ce kuma muna aiki tukuru don tabbatar da cewa ta ci gaba da kasancewa haka,” in ji shi.
Pate ya ce babu wani dalili a yanzu na sauya tsare-tsaren manyan tarukan jama’a, amma ya bar yiwuwar karin matakai idan lamarin ya kara tabarbarewa.
“Muna da bullar cutar guda daya kawai, kuma da fatan za ta ci gaba da tsayawa haka,” in ji shi.
