Sakataren tsaron Amurka, Pete Hegseth, ya sanar da cewa kasarsa za ta kaddamar da “hari mafi girma zuwa yanzu” kan Iran a ranar Alhamis, a ci gaba da farmakin da aka fara tun watan da ya gabata. Ya ce hare-haren sun riga sun kai fiye da wurare 7,000 da suka shafi soji da kayayyakin tsaron Iran.
A yayin taron manema labarai, Hegseth ya bayyana cewa manufar Amurka ita ce lalata makamai masu linzami, wuraren harba su, masana’antar tsaro da kuma rundunar ruwa ta Iran. Duk da haka, bai fayyace lokacin da za a kawo ƙarshen wannan aiki ba, sai dai ya jaddada cewa komai na tafiya yadda aka tsara.
Tun daga ranar 28 ga Fabrairu, Amurka da Isra’ila ke gudanar da farmaki a kan Iran, wanda ya jawo mutuwar sama da mutane 1,200 ciki har da tsohon jagoran addini Ali Khamenei. Wannan rikici ya kara tsananta tashin hankali a yankin.
A bangaren Iran kuwa, ta mayar da martani ta hanyar hare-haren jirage marasa matuki da makamai masu linzami kan Isra’ila da wasu kasashen yankin, lamarin da ya haddasa asarar rayuka da lalata kayayyakin more rayuwa tare da dagula kasuwannin duniya.
Majiyar Labari: AA
