China imeanzisha mazoezi ya kijeshi karibu na Taiwan, yakihusisha vikosi vya ardhini, majini, anga na makombora, kama ujumbe wa onyo kwa mamlaka ya kisiwa hicho. Mazoezi hayo yanaiga kuzingira na kudhibiti maeneo muhimu ya Taiwan, kulingana na jeshi la China.
Hatua hiyo inakuja muda mfupi baada ya Marekani kutangaza mpango wa kuuza silaha kwa Taiwan wenye thamani ya mabilioni ya dola, jambo lililoibua hasira Beijing na kusababisha vikwazo dhidi ya kampuni kadhaa za ulinzi za Marekani. China pia imekasirishwa na hatua za Taiwan kuimarisha ulinzi wake, huku ikisisitiza kuwa kisiwa hicho ni sehemu ya eneo lake.
Taiwan imekosoa vikali mazoezi hayo, ikisema yanakiuka kanuni za kimataifa. Wizara ya ulinzi ya Taiwan imethibitisha kugundua ndege na meli za China karibu na pwani zake na kusema vikosi vyake viko tayari kulinda usalama wa taifa na raia wake.
CHANZO: BBC NEWS
