Rais wa zamani wa Guinée-Bissau, Umaro Sissoco Embaló, aliyeangushwa na wanajeshi mwishoni mwa Novemba, ameenda Rabat, Morocco, baada ya kupitia Senegal na Congo-Brazzaville. Inadaiwa kuwa huenda akakaa nchini humo kwa mwaka mmoja wakati wa kipindi cha mpito.
Mapinduzi hayo yalitangazwa na wanajeshi waliotajwa kama “Uongozi wa Juu wa Kijeshi kwa Urejeshaji wa Utulivu”, ambao walimteua Jenerali Horta N’Tam kuwa “rais wa mpito” kwa muda wa mwaka mmoja. Serikali ya mpito yenye mawaziri 22 iliundwa chini ya Ilídio Vieira Té. Katika uchaguzi wa Novemba 23, Embaló na mpinzani wake Fernando Dias da Costa wote walidai ushindi kabla ya matokeo rasmi kutolewa.
