Mahakama nchini Afrika Kusini imeahirisha hadi Mei 11 usikilizwaji wa ombi la dhamana la mwanaharakati wa Pan-Afrika, Kemi Seba.
Kemi Seba, ambaye alikamatwa wiki mbili zilizopita, anaendelea kuzuiliwa kwa muda huku akikabiliwa na kesi ya ukaaji haramu baada ya visa yake kuisha muda nchini humo.
Katika kikao cha mahakama siku ya Jumatano, upande wa mashtaka ulipinga kuachiwa kwake kwa dhamana, ukisisitiza kuwa bado uchunguzi unaendelea kuhusu shughuli zake.
Kesi hiyo imevutia ufuatiliaji mkubwa kutokana na hadhi yake kama mmoja wa sauti maarufu katika harakati za Pan-Afrika.
CHANZO: TRT Afrika
