Nchi ya Uturuki imepeleka msaada mkubwa wa kibinadamu nchini Sudan kupitia meli iitwayo Goodness Ship, iliyowasili katika bandari ya Port-Sudan ikiwa na tani 2,600 za misaada. Meli hiyo, iliyotoka Mersin mapema Januari, ni msafara wa sita kutumwa na Ankara kusaidia wananchi wa Sudan wanaokabiliwa na madhila ya vita vya wenyewe kwa wenyewe.
Msaada huo unajumuisha chakula, vifaa vya afya, bidhaa za matumizi ya binafsi na vifaa vya makazi. Safari hii imeandaliwa na AFAD kwa ushirikiano na mashirika ya kiraia, mamlaka za ndani na Qatar Fund for Development.
Mkurugenzi wa AFAD, Ali Hamza Pehlivan, alisisitiza kuwa Uturuki itaendelea kusimama na watu wa Sudan, akibainisha kuwa mwaka 2024 pekee walituma tani 5,500 za msaada na Desemba 2025 wakaongeza meli tatu zenye mahema 30,000.
Sudan kwa sasa inakabiliwa na mgogoro mkubwa kati ya jeshi na RSF, uliosababisha maelfu ya vifo na mamilioni ya watu kuhama makazi yao.
CHANZO: TRT Afrika
