Rais wa Uturuki Recep Tayyip Erdogan na Rais wa Marekani Donald Trump wamefanya mazungumzo kwa njia ya simu kujadili uhusiano wa nchi zao na masuala ya kikanda. Erdogan alisisitiza kuwa Syria yenye amani, isiyo na ugaidi na yenye mshikamano wa kisiasa itachangia utulivu wa eneo lote. Viongozi hao pia walijadili mapambano dhidi ya Daesh na hali ya wanachama wa kundi hilo walioko magerezani Syria.
Kuhusu Gaza, Erdogan alisema Uturuki itaendelea kushirikiana na Marekani katika juhudi za kuanzisha amani, akimshukuru Trump kwa mwaliko wa kujiunga na Bodi ya Amani ya Gaza. White House imetangaza kuundwa kwa bodi hiyo na kamati maalum za usimamizi ili kutekeleza mpango wa Trump wa kumaliza mgogoro wa Gaza na kuijenga upya.
CHANZO: TRT Afrika
