Wafanyakazi wa sekta ya anga nchini Kenya wametoa notisi ya siku saba ya mgomo, wakidai nyongeza ya mishahara ambayo haijatekelezwa kwa zaidi ya miaka 11. Kupitia chama chao cha KAWU, wamesema iwapo serikali na Mamlaka ya Safari za Anga (KCAA) hazitatatua madai yao, watafunga anga lote la Kenya.
Katibu Mkuu wa KAWU, Moses Ndiema, aliishutumu KCAA kwa kutoshughulikia maslahi ya wafanyakazi na kuonya kuwa mgomo huo utasitisha safari zote za ndege, ikiwemo katika Uwanja wa Ndege wa Kimataifa wa Jomo Kenyatta, ambao hushughulikia zaidi ya ndege 117 za abiria kwa siku. Hatua hiyo inatarajiwa kuathiri utalii, biashara na usafiri wa kikanda.
CHANZO: TRT Afrika
