Polisi nchini Malawi wamemkamata aliyekuwa waziri wa fedha, Simplex Chithyola, kwa tuhuma za kutakatisha fedha na matumizi mabaya ya madaraka.
Chithyola, ambaye kwa sasa ni kiongozi wa upinzani bungeni, alijisalimisha mwenyewe baada ya kupata taarifa kuwa anatafutwa na wachunguzi.
Kwa mujibu wa wakili wake, George Kadzipatike, mteja wake yuko tayari kushirikiana na mamlaka wakati uchunguzi ukiendelea.
Polisi bado hawajatoa taarifa rasmi kuhusu tarehe ya kufikishwa kwake mahakamani.
CHANZO: TRT Afrika
