Rais wa Uturuki Tayyip Erdogan amezungumza kwa simu na Rais wa Iran Masoud Pezeshkian akisisitiza kuwa Ankara inapinga uingiliaji wa mataifa ya nje katika masuala ya ndani ya Iran. Alisema Uturuki inathamini sana amani na utulivu wa majirani zake, na kwamba njia bora ya kutatua matatizo ni kwa mazungumzo ya utulivu.
Mazungumzo haya yamekuja wakati Iran ikikabiliwa na maandamano makubwa zaidi tangu mapinduzi ya 1979, yaliyoanza Januari 8 kutokana na matatizo ya kiuchumi na kugeuka kuwa vuguvugu la kupinga uongozi wa kidini. Kiongozi Mkuu Ali Khamenei alikiri hadharani kuwa “maelfu kadhaa” wamefariki, akilaumu Marekani kwa kuchochea hali hiyo.
Waziri wa Mambo ya Nje wa Iran pia alitoa onyo kali kwa Washington, akisema Jamhuri ya Kiislamu itatumia kila rasilimali kujibu iwapo itashambuliwa tena. Takwimu za awali za serikali zilisema watu 3,117 wameuawa katika maandamano hayo.
CHANZO: TRT Afrika
