Misri imetangaza kuwa iko tayari kupokea majeruhi kutoka Gaza na kusambaza misaada ya kibinadamu mara tu mpaka wa Rafah utakapofunguliwa tena. Gavana wa Sinai Kaskazini, Meja Jenerali Khaled Mujawir, alisema Jumatano kuwa upande wa Misri wa Rafah umejiandaa kwa mabadiliko yoyote ya hali ya ardhini.
Mujawir alieleza kuwa “kituo cha usimamizi wa mgogoro kinafanyia kazi uwezekano mbalimbali, ikiwemo kupeleka misaada, endapo hali itaruhusu, kwa maandalizi ya kufunguliwa tena kwa mpaka.” Aliongeza kuwa maandalizi ya awali yamefanyika na uratibu unaendelea na taasisi zote za serikali mjini Cairo.
Kwa mujibu wa kituo cha utangazaji cha Israel KAN, mpaka wa Rafah unatarajiwa kufunguliwa tena pande zote mbili Februari 1.
CHANZO: TRT Afrika
