Waziri Mkuu wa Ethiopia, Abiy Ahmed, amekanusha madai ya Rais wa Marekani Donald Trump kwamba bwawa la Grand Ethiopian Renaissance Dam (GERD) lilifadhiliwa na Marekani. Akihutubia bunge, Abiy alisema Ethiopia haikupokea hata senti moja kutoka nje, na kwamba mradi huo ulitekelezwa kwa vyanzo vya ndani na mchango wa wananchi wa Ethiopia.
Bwawa la GERD, lililojengwa kwenye Mto Nile karibu na mpaka wa Sudan, ndilo kubwa zaidi barani Afrika kwa uzalishaji wa umeme. Trump, akizungumza Ikulu ya Marekani mwishoni mwa Januari, alidai Marekani ilifadhili mradi huo, kauli ambayo Ethiopia imepinga vikali.
Abiy pia alibainisha kuwa Ethiopia inakamilisha mradi mwingine wa kufua umeme katika Mto Omo, ambao utakuwa na uwezo wa kuzalisha gigawati 6,460 kwa mwaka.
CHANZO: TRT Afrika
