Hukumomin tsaro na Türkiye sun ce na’urorin kariyar sararin samaniya na NATO sun gano tare da harbo wani makami mai linzami da aka harba daga Iran kafin ya shiga sararin samaniyar Turkiyya. Rahotanni sun ce an gano makamin ne bayan ya ratsa yankunan Iraq da Syria.
Ma’aikatar tsaron Turkiyya ta bayyana cewa wani ɓangare na na’urar kariyar da aka yi amfani da ita wajen dakile makamin ya fadi a gundumar Dortyol da ke lardin Hatay, amma babu wanda ya mutu ko ya jikkata. Ankara ta jaddada cewa tana da cikakken shiri da ƙarfi wajen kare tsaron ƙasarta daga duk wata barazana.
Hukumomin kasar sun kuma yi kira ga bangarorin da ke rikici a yankin da su guji matakan da za su kara tsananta rikici. Sun kara da cewa Turkiyya za ta ci gaba da tuntuba da NATO da sauran ƙawayenta domin tabbatar da zaman lafiya da tsaro a yankin.
