Umati mkubwa wa watu ulijitokeza kumpokea Papa Leo XIV nchini Equatorial Guinea, huku wakimshangilia njiani kutoka uwanja wa ndege kuelekea mji mkuu Malabo.
Hii ni ziara ya kwanza ya papa nchini humo tangu Papa Yohane Paulo II alipofika mwaka 1982. Taifa hilo lenye Wakatoliki wengi linaongozwa na rais wa muda mrefu, Teodoro Obiang Nguema Mbasogo.
Katika ziara hiyo, Papa Leo XIV alikutana na rais huyo katika ikulu kabla ya kuhutubia viongozi wa serikali na wanadiplomasia. Akiwa anarejea maadhimisho ya mwaka mmoja tangu kifo cha Papa Francis, alikosoa mfumo wa uchumi wa dunia unaolenga faida kupita kiasi.
“Uchumi wa namna hiyo unaua,” alisema papa huyo, akionya kuwa migogoro mingi ya silaha inachochewa na ushindani wa rasilimali kama mafuta na madini bila kuzingatia haki za watu.
Equatorial Guinea, ambayo ilibadilika kiuchumi baada ya kugundua mafuta miaka ya 1990, sasa inategemea sana sekta hiyo kwa mapato yake ya taifa.
CHANZO: TRT Afrika
