Takriban watu 18 wamefariki dunia baada ya boti iliyokuwa imewabeba wahamiaji kuzama karibu na mji wa Tobruk mashariki mwa Libya, karibu na mpaka wa Misri.
Kwa mujibu wa Shirika la Msalaba Mwekundu, manusura saba waliokolewa katika operesheni ya pamoja iliyofanywa na wafanyakazi wa kujitolea, vikosi vya majini na walinzi wa pwani wa Jeshi la Kitaifa la Libya.
Libya imeendelea kuwa njia kuu ya wahamiaji kutoka Afrika Kusini mwa Jangwa la Sahara wanaojaribu kuvuka bahari kuelekea Ulaya wakikimbia migogoro, umaskini na ukosefu wa ajira katika nchi zao.
Vyanzo vya usalama vimeonya kuwa idadi ya vifo inaweza kuongezeka kutokana na uwezekano wa miili mingine kusombwa hadi ufukweni katika siku zijazo.
CHANZO: TRT Afrika
