Muungano wa wazalishaji wa mafuta duniani OPEC+ umetangaza kuongeza kiwango cha uzalishaji wa mafuta kwa mwezi Juni, hatua inayokuja wakati Umoja wa Falme za Kiarabu ikitangaza kujiondoa katika muungano huo.
Kwa mujibu wa taarifa, uamuzi wa kuongeza uzalishaji unalenga kukidhi mahitaji ya soko la kimataifa na kupunguza shinikizo la bei ya mafuta, ambayo imekuwa ikibadilika kutokana na hali ya uchumi na siasa duniani.
Hata hivyo, uamuzi wa UAE kujiondoa umeibua maswali kuhusu mshikamano wa muungano huo na mustakabali wake, hasa ikizingatiwa kuwa nchi hiyo ni miongoni mwa wazalishaji wakubwa wa mafuta.
Wataalamu wa uchumi wanasema kuwa hatua hizi zinaweza kuathiri bei ya mafuta duniani pamoja na usambazaji wake, huku zikileta ushindani mpya katika soko la nishati.
Muungano wa OPEC+ umekuwa na jukumu muhimu katika kudhibiti uzalishaji wa mafuta ili kuweka uwiano wa bei katika soko la dunia.
Chanzo:Africanews
