Rais Donald Trump wa Marekani amempigia chapuo rais wa Shirikisho la Soka Ulimwenguni (FIFA), Gianni Infantino kuwa Katibu Mkuu ajaye wa Umoja wa Mataifa.
Likikinukuu chanzo cha karibu cha Rais Trump, jarida la the New York Post, lilisema kuwa Trump anaamini kuwa Infantino ana heshima na ushawishi mkubwa duniani, jambo linalodhihirisha uwezo wake wa kuwaleta watu pamoja.
Infantino, mwenye umri wa miaka 56, amejenga ukaribu na Rais Trump, hususani wakati wa fainali za michuano ya Kombe la Dunia 2026, zilizoandaliwa kwa pamoja na Marekani, Mexico na Canada.
Kwa sasa, nafasi ya Katibu Mkuu wa Umoja wa Mataifa, inashikiliwa na Antonio Guterres kutoka Ureno, ambaye atamaliza muda wake wa uongozi, Disemba 31, 2026.
Mrithi wa Guterres ndani ya Umoja wa Mataifa anatagemewa kuchukua wadhifa huo kwa kipindi cha miaka mitano, kuanzia Januari 1, 2027.
