Ministan Harkokin Wajen Iran Abbas Araghchi a ranar Litinin ya bayyana cewa har yanzu akwai yiwuwar tattaunawa da Amurka, duk da cewa Iran ɗin ta ce ta shirya tsaf domin yaƙi.
Yayin da yake magana da jakadun ƙasashen waje a Tehran wanda gidan talabijin na gwamnati ya watsa, Araghchi ya jaddada cewa Iran ba ta neman yaƙi, amma tana shirye don kare kanta.
Iran ta bayyana cewa har yanzu akwai yiwuwar tattaunawa da Amurka, duk da cewa ta ce ta shirya tsaf domin kare kanta idan aka tilasta ta shiga yaƙi. Ministan harkokin wajen ƙasar, Abbas Araghchi, ya bayyana hakan yayin da yake jawabi ga jakadun ƙasashen waje a Tehran, inda ya jaddada cewa Iran ba ta neman rikici, amma ba za ta yi kasa a gwiwa ba wajen kare kanta.
Araghchi ya ce tattaunawa za ta yiwu ne kawai idan an gina ta bisa adalci, mutunta juna da daidaitattun hakkoki. A bangaren Amurka kuwa, Shugaba Donald Trump ya ce gwamnatin sa na duba “zaɓuɓɓuka masu ƙarfi,” yana mai cewa ana sa ido sosai kan zanga-zangar da ke ci gaba da girgiza Iran sakamakon tabarbarewar tattalin arziki.
Kungiyoyin kare hakkin dan Adam sun ruwaito mutuwar daruruwan masu zanga-zanga da dubban kama, yayin da rahotanni ke nuna yiwuwar tsaurara matakan soji da diflomasiyya tsakanin Tehran da Washington.
