Kenya imelaani vikali mashambulizi yaliyofanywa na wapiganaji wa kundi la Wahouth dhidi ya Saudi Arabia, ambayo yameripotiwa kusababisha vifo vya takribani watu 19 na kujeruhi wengine 364.
Waziri wa Mambo ya Nje wa Kenya, Musalia Mudavadi, ameeleza mshikamano thabiti wa Kenya na Saudi Arabia kufuatia ongezeko kubwa la mashambulizi yanayolenga maeneo ya makazi ya raia na miundombinu muhimu.
Mudavadi alieleza msimamo wa Kenya wakati wa mazungumzo ya simu na Naibu Waziri wa Mambo ya Nje wa Saudi Arabia, Waleed Elkhereiji, siku ya Alhamisi, Oktoba 15.
Mazungumzo hayo yamethibitishwa katika taarifa rasmi iliyotolewa na mamlaka za Saudi Arabia.
