Ƙasar Libya ta ba wasu manyan kamfanonin makamashi na ƙasashen waje lasisin bincike da haƙar mai karo na farko tun bayan mutuwar Muammar Gaddafi. Daga cikin kamfanonin da suka samu nasara akwai Chevron da BP, tare da kamfanin Aiteo na Najeriya da wasu ƙungiyoyin haɗin gwiwa na Turai da Gabas ta Tsakiya. Sai dai rahotanni sun nuna cewa filaye biyar ne kawai daga cikin 20 aka yi wa tayin.
Hukumar Mai ta Ƙasa (NOC) ta ce za a sake wani zagayen neman lasisi daga baya a shekarar, yayin da Libya ke ƙoƙarin jawo zuba jari a fannin makamashi. Ƙasar na samar da kusan ganga miliyan 1.5 na mai a rana, tana da mafi girman ajiyar mai a Afirka. A watan da ya gabata, Libya ta kulla yarjejeniyoyin zuba jari da TotalEnergies da ConocoPhillips domin ƙara yawan samar da mai cikin dogon lokaci.
Majiyar Labari: TRT AFRIKA
