Wanyama 31 aina ya sloth waliokusudiwa kuonyeshwa katika kivutio kipya cha watalii mjini Orlando, Florida, wamefariki kabla ya ufunguzi wake rasmi.
Ripoti zinaonyesha kuwa wanyama hao walifariki kati ya mwaka 2024 na 2025 baada ya kuletwa kutoka nchi za Amerika Kusini kama Guyana na Peru.
Sababu kuu ya vifo hivyo inatajwa kuwa hali mbaya ya mazingira walikohifadhiwa, ikiwa ni pamoja na ukosefu wa umeme, maji, na joto la kutosha.
Wataalamu wanasema baadhi yao walikufa kutokana na baridi kali (“cold stun”), huku wengine wakiwa tayari dhaifu au wagonjwa walipowasili.
Tukio hilo limezua hasira kutoka kwa wanaharakati wa haki za wanyama, wakitaka uchunguzi wa kina kuhusu namna wanyama hao walivyotunzwa.
Chanzo:The Guardian
