Shugaba Recep Tayyip Erdogan a ranar Asabar ya bayyana cewa Turkiyya ta fitar da jirgin yaki zuwa wata ƙasa memba ta NATO da EU a karon farko a tarihin ta, ta hanyar yarjejeniyar sayarwa da aka sanya wa hannu tare da Romania.
Yayin jawabi a wani taro a Istanbul na aikawa da jirgin ruwan mai suna CAM Roman ga Rundunar Sojin Ruwan Romaniya, da kuma ƙaddamarwa da ɗaga tutar wasu jiragen ruwan Rundunar Sojin Ruwan Turkiyya, dandamali ga Rundunar Ruwa ta Turkiyya, Shugaba Erdogan ya jaddada yadda Turkiyya ta ƙara faɗaɗa ƙarfinta a ɓangaren masana’antun tsaro na sojin ruwa.
“Ta hanyar yarjejeniyar cinikayya da muka sanya wa hannu da Romania, Turkiyya ta fitar da jirgin yaki zuwa wata ƙasa mamba ta NATO da EU a karo na farko a tarihin ta,” in ji shi.
Shugaban ya ce Turkiyya ta ƙera fiye da jiragen ruwa na soji fiye da 140 ga yankuna da dama na duniya sannan ya bayyana ɓangaren ƙera jiragen ruwan soja a ƙasar a matsayin wadda ke cikin “lokutan ayyukan ƙere-ƙere matuƙa” a cikin shekaru 103 na tarihin jamhuriya.
Ya ce Turkiyya na cikin ƙasashen da suke iya ƙera jiragen ruwa mafi yawa a lokaci guda.
Shugaban ya kuma jaddada haɗin gwiwar tsaro tare da ƙasashen abokan hulɗa, inda ya ce Turkiyya na ganin ya kamata ta horar da ƙasashenta ƙawaye kan masana’antunta na tsaro.
“Manufar Turkiyya ba haddasa fargaba a yankinmu ba, amma ta ƙara ƙarfafa zaman lafiya, adalci, kwanciyar hankali da ɗorewar zaman lafiya,” in ji Erdogan.
Ya kuma ce yanayin duniya yana ci gaba da kasancewa mai matuƙar ruɗani, inda ya ƙara da cewa ƙasashen da ba su da ƙarfi a aikace na iya shiga ƙalubale wajen samun matsayi a teburin tattaunawa.
