Bilionea wa Nigeria, Aliko Dangote, ameilaumu mamlaka ya udhibiti wa mafuta kwa kuruhusu uingizaji wa mafuta yaliyosafishwa kwa bei nafuu, akisema hali hiyo inahatarisha viwanda vya ndani, ajira na usalama wa nishati. Akizungumza katika kiwanda chake cha kusafisha mafuta chenye uwezo wa mapipa 650,000 kwa siku jijini Lagos, Dangote alitoa wito wa uchunguzi rasmi dhidi ya Mamlaka ya Udhibiti wa Sekta ya Mafuta ya Kati na Chini (NMDPRA). Mdhibiti huyo anadai kiwanda cha Dangote kinataka ukiritimba na hakiwezi kukidhi mahitaji ya ndani, hoja ambayo Dangote anaipinga. Licha ya changamoto za upatikanaji wa mafuta ghafi na mdahalo wa sera, Dangote amesema ataendelea na mipango ya kupanua kiwanda na kuliorodhesha sokoni, akisisitiza kuwa uwekezaji huo ni “mkubwa mno kushindwa.”
CHANZO: TRT Afrika
