Gwamnatin Tarayya ta janye daukar matakin shari’ar batanci da ake yi wa Sanata Natasha Akpoti-Uduaghan bayan shugaban majalisar dattawa Godswill Akpabio ya umarci lauyoyinsa da su janye dukkan ƙorafe-ƙorafen batanci da ya shigar a kan mutane daban-daban, ciki har da ita.
Akpabio ya bayyana cewa ya dauki wannan mataki ne bayan shawarar da aka ba shi a wajen ibadar sabuwar shekara. Tun da farko an gurfanar da Sanata Natasha bisa zargin batanci da cin zarafi ta kafafen sadarwa bayan zarge-zargen barazanar rayuwarta da ta yi a fili, alhali nata korafin ba a yi masa muhimmanci ba. Wannan mataki ya kawo ƙarshen shari’o’in batanci da suka jawo cece-kuce a watannin baya.
