Serikali ya Afrika Kusini imeonya wakazi wa mkoa wa Limpopo kuwa waangalifu kufuatia mvua kubwa zilizosababisha mafuriko na kusababisha wanyama hatari kama mamba na viboko kuingia katika makazi ya watu.
Huduma ya Hali ya Hewa ya Afrika Kusini (SAWS) imetoa tahadhari kali kwa mikoa ya Limpopo, Mpumalanga na Gauteng, ikiwataka wananchi kuepuka maeneo yenye mafuriko kutokana na hatari ya maporomoko, barabara kufungwa na kuongezeka kwa maji.
Mamlaka za mikoa zimeripoti mamba kuonekana katika vijiji vya Makuleke na Mhinga, nje ya Malamulele, wakitoka kwenye mito na mabwawa yaliyofurika. Aidha, maafisa wa mazingira wameonya kuwa viboko na wanyama wengine wa mwituni wanaweza pia kuonekana, na kuwataka wananchi kutoa taarifa mara moja iwapo watawaona.
CHANZO: TRT Afrika
