Hukumar ƙwallon ƙafa ta Afirka, Confederation of African Football, ta sanar da ranakun da lokutan wasannin kwata-fainal na gasar CAF Champions League na kakar 2025/26. Daga cikin manyan wasannin da ake jira akwai karawar tsakanin Al Ahly da Espérance Sportive de Tunis, inda za a buga wasan farko a Tunis ranar 15 ga Maris kafin na biyu a Cairo ranar 21 ga Maris.
A wani wasan kuma, Mamelodi Sundowns za su karbi bakuncin Stade Malien ranar 13 ga Maris, kafin a buga wasan dawowa a Bamako ranar 22 ga Maris. Haka kuma Pyramids FC za su kara da AS FAR, yayin da RS Berkane za su fafata da Al Hilal Omdurman.
Za a buga wasannin kwata-fainal ne gida da waje, inda wadanda suka yi nasara za su tsallake zuwa zagayen kusa da na karshe da za a buga a watan Afrilu. Ana sa ran wasan karshe na gasar zai gudana a watan Mayu domin tantance sabon zakaran kulob na Afirka.
Majiyar Labari: TRT AFRIKA
