Mwenyekiti wa Tume ya Umoja wa Afrika, Mahmoud Ali Youssouf, amepongeza makubaliano ya amani yaliyotangazwa na Marekani na Iran, akieleza kuwa hatua muhimu katika kuleta usalama Mashariki ya Kati.
Katika taarifa siku ya Jumatatu, Youssouf alipongeza nchi zote mbili na wapatanishi kwa kufikia makubaliano na kutaka pande zote mbili kusimamia utekelezaji.
“Mwenyekiti anatoa wito kwa pande zote kuwa na dhamira ya utekelezaji kamili wa makubaliano na kuendelea kuimarisha juhudi za kupatikana amani ya kudumu, usalama, na ushirikiano Mashariki ya Kati na zaidi,” Umoja wa Afrika umesema.
Misri kuhusu hatua hii
Misri pia imefurahishwa na makubaliano hayo, ikiyaeleza kuwa hatua muhimu ambayo itasababisha kurudi kwa usalama na uthabiti katika ngazi zote za kanda na kimataifa.
Serikali ya Misri imejitahidi katika miezi ya hivi karibuni, pamoja na washirika wa kimataifa, kusaidia kuandaa mazingira ambayo yatamaliza mapigano na kufungua fursa mpya kwa kanda hiyo.
Katika taarifa, Misri ilieleza kuwa ina matumaini makubaliano hayo kati ya Marekani na Iran yataimarisha kuaminiana kwa mataifa hayo mawili, ikiweka misingi ya ushirikiano na mazingira mazuri ya amani.
Misri ilieleza matumaini kuwa kumalizika kwa vita kutafanya jamii ya kimataifa kuangazia changamoto za misaada na usalama zinazowakabili Wapalestina huko Gaza na Ukingo wa Magharibi, huku ikichangia utekelezaji wa awamu ya pili ya mpango wa amani wa Rais wa Marekani Donald Trump.
