Jirgin da ke ɗauke da Firayim Ministan Spain, Pedro Sánchez, ya yi saukar gaggawa a Ankara bayan wata ƙaramar matsalar fasaha da ta taso yayin da yake kan hanyarsa daga Madrid zuwa Yerevan. Duk da cewa matsalar ba ta da tsanani, an ɗauki matakin sauka ne domin bin ƙa’idojin tsaro.
Rahotanni sun bayyana cewa jirgin nau’in Airbus A310, wanda ake amfani da shi wajen tafiye-tafiyen gwamnati, ya samu tangarda kaɗan a cikin tafiya. Wannan ya sa dole aka saukar da jirgin don tabbatar da lafiyar fasinjoji da ma’aikata.
Ana sa ran Sánchez zai kwana a Ankara kafin ya ci gaba da tafiyarsa zuwa Yerevan, inda zai halarci taron European Political Community summit. Wannan jinkiri ya sauya jadawalin tafiyarsa na ɗan lokaci.
Ba wannan ne karo na farko da irin wannan matsala ta faru ba, domin a shekarar 2025 ma an samu irin wannan tangarda wanda ya tilasta jirginsa komawa baya a tsakiyar tafiya, inda daga bisani ya halarci wani taro ta yanar gizo.
Duk da jinkirin da aka samu, jami’ai sun tabbatar da cewa an bi dukkan matakan tsaro yadda ya kamata, kuma babu wanda ya shiga haɗari.
MAJIYAR LABARI: AA
