Takriban watu 13 wamepoteza maisha na wengine karibu 100 kujeruhiwa baada ya treni kuacha njia yake ya reli katika jimbo la Oaxaca, kusini-magharibi mwa Mexico, kulingana na taarifa ya jeshi la wanamaji la nchi hiyo.
Treni hiyo ilikuwa ikisafirisha abiria kati ya Ghuba ya Mexico na Bahari ya Pasifiki ikiwa na abiria 241 pamoja na wafanyakazi tisa. Ajali ilitokea ilipokuwa ikipita kona karibu na mji wa Nizanda.
Jeshi limesema watu 98 walijeruhiwa, huku 36 wakilazwa hospitalini. Rais Claudia Sheinbaum alithibitisha kuwa watu watano wako katika hali mbaya. Uchunguzi wa kubaini chanzo cha ajali unaendelea, huku vikosi vya uokoaji vikiendelea kuwahudumia waathiriwa katika eneo la tukio.
CHANZO: BBC NEWS
